| وصفة الفراخ الايطالية مقابل وقف الهجرة غير المشروعة |
|
|
| Wednesday, 04 June 2008 | |
 بعد تاكد انتشار مرض انفلوانزا
الطيور و اعدام ملايين الطيور و احتلال مصر لقمة قائمة مستوردي الدواجن بعد ان
احتلت المركز الثالث عالميا في تصدير الدواجن لما يقرب من 8 اعوام ،و مع الارتفاع
المستمر لاسعار الدواجن نوجة عنايتة سيدات مصر لان الدواجن المخلية موفرة اكثر من
الدواجن الكاملة حيث ان كيلو البانية 28 جنية ياكل حوالي 5-6 اشخاص اما الفرخة
30جنية تاكل 4 بس عملا بمبدا ان الفرخة 4 ارباع و رقبة ، و هكذا نقدم لكم وصفة
سرية من مراسلينا في ايطاليا و الذين امدونا بهذه الوصفة مقابل وقف الهجرة غير
المشروعة . المقادير:1 كيلو فراخ مخلية 2/1 كيلو بصل +2/1 كيلو فلفل رومي 3 ملاعق دقيق 1 فص ثوم +4/1 كيلو زبد 1 كوب لبن ملح + فلفل + كاري + توابل الطريقة : اغسلي الفراخ و قطعيها مكعبات في حجم مناسب "يعني مثلا القطعة الواحد تكفي قطمتين" و افرمي نص البصل و الفلفل "يعني ربع كيلو بصل و ربع كيلو فلفل" و تبلي الفراخ بالبصل المفروم و الفلفل و معلقتين لبن و فص ثوم مفروم و ملح و فلفل و توابل ،قطعي بقى باقي البصل و الفلفل حلقات او مراوح ،دلوقت ارفعي الفراخ من التتبيلة و شوحيهم في معلقة زبدة بس امسحيهم من التتبيلة كويس قبل ما تشوحيهم بعد ما تخلصي شوحي البصل و الفلفل الحلقات مكانهم و معاه التتبيلة كمان و متنسيش ترشي شوية كاري عليهم و هما على النار . هاتي بقى حلة واسعة شوية و اعملي فبها كريمة "يعني وايت صوص اللي هوا بشاميل نص سوى"الاول حمري 3 ملاعق الدقيق في معلقتين زبد و لازم تقلبي كويس و بسرعة علشان الدقيق ميتحرقش بس مش قوي مجرد بس ما لونة يبقى وردي حطي باقي اللبن و كوباية او كوباية و نص مية و قلبي بعدين بقى حطي الفراخ و التتبيلة اللي شوحتيها على النار . الاكلة دي بقى يا بنات رائعة مع المكرونة و نقي كدة نوع غريب و شكلة ملفت للنظر و كمان جميلة مع الارز بس اعملي رز سادة "من غير شعرية يعني"و لونية بشوية كاري و يا سلام بقى لو شوية خضار سوتية و زي ما اتفقنا دلعي اطباقك يعني نقي الفلفل الوان و البصل كمان بصل احمر و ابيض شوية كسبرة على وش الفراخ و ممكن فركة زعتر و للدلع الجامد بقى اعملي جنبها سلطة بالجبنة البرمازان او الشيدر و رصي شوك و سكاكين على السفرة حتى لو مش متعودين عليها خلية يحس ان النهاردة مش يوم تقليدي و غدا روتيني لا النهاردة انت بتاكل على مائدة السنيوريتا فتكات . بون ابيتيتو |
|
| آخر تحديث ( Wednesday, 04 June 2008 ) |
| < السابق | التالى > |
|---|
اخر العناوين
- انتصار مشغولة بـ القبطان عزوز ورجل وست ستات
- منظمة حقوقية تعتبر منع المنقبات من أداء الامتحانات قرارا متطرفا يعاقب الطالبات على أفكارهن
- لعالم يترقب بشغف الإعلان الذي ستكشفه "غوغل" الثلاثاء
- بسبب الحمل شيرين بعيد عن الساحة
- شهاب يدافع عن قرار بناء الجدار الفولاذي ويصف قادة حماس بـ (الانقلابيين
- علاء مبارك وقرينته يحضران 'غسل' الكعب
- وقف تصوير فيلم حلمى الجديد لمدة اسبوع
- الأهلي يمدد تعاقده مع لاعبه بركات لثلاث سنوات
- معالجة ميدو "نفسياً" بعد استبعاده من منتخب مصر
- الحكم بحبس هشام عباس سنة لتهربه من الضرائب