| عجينة البيتزا الايطالية |
|
|
| أجـمـد جـديـد - أكــلات | |
| Sunday, 20 July 2008 | |
 بعد نشر مقالة نواشف الصيف وصلنا رسايل كتير بتطلب مننا طريقة جديدة و موثوق فيها علشان عجينة البيتزا و ادينا جبنالكم الطريقة الايطالية الاصلية لعمل البيتزا من اشهر مطاعم البيتزا الايطالية و المشهورة بتقديمها البيتزا الرقيقة اللذيذة المقادير: 1 كيلو دقيق خبز 1معلقة ملح 1معلقة سكر قطعة خميرة في حجم اللوزة معلقة ثوم مفروك زعتر/صفار بيضة ،كوب لبن و معلقتين زبد صلصة طماطم و يفضل طازة " يعني مش علب :اغسلي طماطم و اربيها في الخلاط بعدين سخنيها على النار حتى الغليان علشان نقلل سوائلها " جبن مبشور " و حسب الشيف الايطالي يفضل استخدام انواع جبن عادي مخلطة جبن رومي/فلامنك/شيدر و دة لانها تعطي نتائج افضل " بصل و فلفل مقطع شرائح للحشو و زيتون مخلي استخدمي لحم بارد او منتجات لحوم محفوظة لنشون/سلامي بقري/سوسيس الطريقة : ابدئي بتخمير الخميرة : حطي السكر على الخميرة و قلبيهم في معلقتين دقيق ،بعدين زودي ماية دافية و قلبي كويس و سيبيهم في مكان دافي علشان الخميرة تشتغل دلوقتي انخلي الدقيق و حطي علية الملح و فركة زعتر خفيفة ،لما الخميرة تخمر ابدئي العجن هنحط صفار البيضة في اللبن و نقلبهم بعدين نضيفهم للدقيق و سيحي الزبد "خلي بالك انه يسيح بس مش تقدحية " و استعملي ماية دافية شوية شوية لحد ما العجينة تبقى ناعمة و متماسكة " يعني مش تمسك في ايدك او في الطبق "هنسيبها بقى دلوقتي شوية تخمر بس مش تنسي لازم تغطي وشها بحتة قماش مبلول علشان متنشفش . دلوقتي بقى هنقرص العجين :اقطعي حتة عجين في حجم البرتقالة و ابدئي بتدويرها على الطربيزة باستخدام يد واحدة بحيث ان الحروف كلها تتلم و تبدء العجينة تاخد شكل كورة ملساء .و غطي كل كورة بنفس القماشة المبلولة لحد لما تخلصي العجين كله. دلوقتي بقى هنبدء الفرد :و هنستعمل فية الدقيق و النشابة رشي دقيق على الطربيزة و فوق العجين بعدين استخدمي صوابعك في فرد العجينة بشكل مستدير و ابدئي بفردها بالنشابة " طبعا الشيف الايطالي بيستخدم ايدية بس في الفرد " المهم انك توصلي لشكل مستدير و يكون تخن البيتزا حوالي 4 ملم يعني اقل من نص سنتم بالنسبة للصلصة هتحطي فيها معلقة الثوم المفروك و معلقة زعتر قبل الفرد على البيتزا افردي الصلصة على البيتزا و بعدين رشي الجبن و الخضار او اللحوم للحشو و علشان الجبن يشد معاكي زي الاعلان رشي طبقة تانية من الجبن فوق الحشو و ندخلها الفرن على نار متوسطة لمدة 15-20 دقيقة نصائح مهمة : *متستعمليش لحوم نية ،دايما استعملي منتجات جاهزة " يعني مستوية " للحشو فوق البيتزا لسببين 1- وقت الطهي مش كفاية علشان اللحوم تستوي 2- هتنزل سوائل على وش البيتزا و العجين هيكون ني تحتها *لو هتستعملى تونة في الحشو صفيها كويس من الزيت و السوائل لنفس السببين اللي فوق *متسويش الخضروات قبل الحشو لانها كدة هتتحرق في الفرن *رشي شوية زعتر على الوش بعد البيتزا ما تخرج من افرن لانه بيديها نكهة رائعة *استعمل ساج تقيل للفرن و ادهني قعره بشوية زبد او زيت *و ادهني الحروف بزيت و ثوم " ثوم مفروك منقوع بالزيت "علشان تقرمش و تلمع" زي ما اتفقنا الذواق اهم من الاكل يعني تطلعيها متقطعة من المطبخ علشان متقعديش تقطعي على السفرة و حطش مفارش سفرة او حتى مناديل ورق " علشان انت مس ناقصة غسيل " طبعا انت ادري بجوزك و بيتك حطيلهم كاتشب و مايونيزاو حتى شطة زي ما بيحبوا و متنسيش طبعا الجبنة المبشورة على السفرة ودايما فكري و انت بتطبخي هما بيحبوا اية و اعملية بيحبوا الجبنة :اعملي عشاق الجبنة ،بيحبوا الفراخ :اعملي بولو ،بيحبوا السوسيس و اللحوم :اعملي سوبر بيف سوبريم |
|
| آخر تحديث ( Sunday, 20 July 2008 ) | |
| < السابق | التالى > |
|---|
اخر العناوين
- انتصار مشغولة بـ القبطان عزوز ورجل وست ستات
- منظمة حقوقية تعتبر منع المنقبات من أداء الامتحانات قرارا متطرفا يعاقب الطالبات على أفكارهن
- لعالم يترقب بشغف الإعلان الذي ستكشفه "غوغل" الثلاثاء
- بسبب الحمل شيرين بعيد عن الساحة
- شهاب يدافع عن قرار بناء الجدار الفولاذي ويصف قادة حماس بـ (الانقلابيين
- علاء مبارك وقرينته يحضران 'غسل' الكعب
- وقف تصوير فيلم حلمى الجديد لمدة اسبوع
- الأهلي يمدد تعاقده مع لاعبه بركات لثلاث سنوات
- معالجة ميدو "نفسياً" بعد استبعاده من منتخب مصر
- الحكم بحبس هشام عباس سنة لتهربه من الضرائب